ಸಂಪಿಗೆಯ ಮಂಥನ

ಕನ್ನಡ ಚಿತ್ರಗಳ ಇತಿಹಾಸದಲ್ಲಿ ಭಕ್ತಿಭಾವ ಪ್ರಧಾನ ಚಿತ್ರಗಳ ಕುರಿತು ಹಿನ್ನೋಟ ಬೀರಿದರೆ ನಮ್ಮ ನೆನಪಿಗೆ ಬರುವುದು ಭಕ್ತ ಕನಕದಾಸ , ಭಕ್ತ ಕುಂಬಾರ , ಸಂತ ತುಕಾರಾಂ , ಭಕ್ತ ಜ್ಞಾನದೇವ , ಭಕ್ತ ಸಿರಿಯಾಳ , ಪುರಂದರದಾಸರು(ನವಕೋಟಿನಾರಾಯಣ) , ಮಂತ್ರಾಲಯ ಮಹಾತ್ಮೆ ಮುಂತಾದ ಚಿತ್ರಗಳು. ಭಕ್ತ ಕನಕದಾಸ , ಭಕ್ತ ಕುಂಬಾರ , ಪುರಂದರದಾಸರ ಪಾತ್ರದಲ್ಲಿ ಕನ್ನಡದ ಮೇರು ನಟ ಡಾ. ರಾಜ್ ಅಮೋಘವಾಗಿ ನಟ್ಟಿಸಿದ್ದಾರೆ ಎನ್ನುವ ಬದಲು ಡಾ.ರಾಜ್ ಆ ಪಾತ್ರಗಳಲ್ಲೇ ಒಂದಾಗಿದ್ದಾರೆ ಎನ್ನಬಹುದು. ಅಷ್ಟು ತನ್ಮಯತೆಯಿಂದ ಭಕ್ತಿರಸವನ್ನು ತಮ್ಮ ಅಭಿನಯದಲ್ಲಿ ಹೊಮ್ಮಿಸಿದ್ದಾರೆ. ನಮಗೆ ಇಂದಿಗೂ ಶ್ರೀ ಕನಕದಾಸರನ್ನಾಗಲಿ , ಭಕ್ತ ಕುಂಬಾರನನ್ನಾಗಲೀ ಅಥವಾ ಪುರಂದರದಾಸರನ್ನಾಗಲೀ ನೆನೆಸಿಕೊಂಡರೆ ಡಾ. ರಾಜ್ ಅವರೇ ನಮ್ಮ ಕಣ್ಣಮುಂದೆ ಬಂದು ನಿಲ್ಲುತ್ತಾರೆ. ಅದರಲ್ಲೂ ಭಕ್ತ ಕುಂಬಾರದಲ್ಲಿನ ಪುರಂದರ ವಿಠಲನ ಭಕ್ತನಾದ ಗೋರನ ಪಾತ್ರದ ಅಭಿನಯ ಎಲ್ಲಾ ಭಕ್ತಿ ಪಾತ್ರಗಳನ್ನೂ ಮೀರಿಸುತ್ತದೆ ಎಂದರೆ ತಪ್ಪಾಗಲಾರದು. ಡಾ.ರಾಜ್ ಮೂಲಕ ಕನ್ನಡಿಗರಿಗೆ ಭಕ್ತಿರಸ ಉಣಿಸಿದ ಕೀರ್ತಿ ಕನ್ನಡದ ಶ್ರೇಷ್ಠ ನಿರ್ದೇಶಕರಲ್ಲೊಬ್ಬರಾದ ದಿವಂಗತ ಹುಣಸೂರು ಕೃಷ್ಣಮೂರ್ತಿಯವರಿಗೆ ಸಲ್ಲಬೇಕು. ಹುಣಸೂರು ಕೃಷ್ಣಮೂರ್ತಿಯವರು ಒಳ್ಳೆಯ ನಿರ್ದೇಶಕರಾಗಿದ್ದರಲ್ಲದೇ , ಶ್ರೇಷ್ಠ ಸಾಹಿತಿಯೂ ಆಗಿದ್ದರು. ಅವರು ನಿರ್ದೇಶಿಸಿದ ಚಿತ್ರಗಳು ಬಹುಪಾಲು ಪೌರಾಣಿಕ , ಐತಿಹಾಸಿಕ ಮತ್ತು ಭಕ್ತಿ ಪ್ರಧಾನ ಚಿತ್ರ...

ಹೆಸರಿನಲ್ಲೇನಿದೆ? ಎಂದು ಬಹಳ ಜನ ಕೇಳುತ್ತಾರೆ. ಹೆಸರಿನಲ್ಲಿ ಏನೆಲ್ಲಾ ಇದೆ ಎಂದು ತಿಳಿದುಕೊಳ್ಳೋಣ ಬನ್ನಿ. ಹಿಂದೆ ಹೆಸರುಗಳು ವಿಭಿನ್ನವಾಗಿ, ಅರ್ಥಪೂರ್ಣವಾಗಿರುತಿದ್ದವು. ಇಂದಿನ ಜನರ ಹೆಸರುಗಳಲ್ಲಿ ಏನೂ ವಿಶೇಷವಿಲ್ಲ ಬಿಡಿ. ಗಂಡಾದರೆ ಸಾಮಾನ್ಯವಾಗಿ ವಿಷ್ಣು ಸಹಸ್ರನಾಮದಲ್ಲಿರುವ ಹೆಸರೋ, ಇಲ್ಲಾ ಶಿವ ಸಹಸ್ರನಾಮದಲ್ಲಿರುವ ಹೆಸರೋ ಅಥವಾ ಬೇರೆ ಗಂಡು ದೇವರುಗಳ ಹೆಸರೋ ಇರುತ್ತದೆ. ಹೆಣ್ಣಾದರೆ ಲಕ್ಷಿ, ಸರಸ್ವತಿ, ಪಾರ್ವತಿಯರ ಅಷ್ಟೋತ್ತರದಲ್ಲಿರುವ ಹೆಸರೋ ಅಥವಾ ನದಿಗಳ ಹೆಸರೋ ಇರುತ್ತದೆ. ಈಗೀಗ ಯಾರು ಇಟ್ಟಿರದ ಹೆಸರನ್ನಿಡಬೇಕೆಂದು ಋತುಗಳ ಹೆಸರುಗಳನ್ನು(ಗ್ರೀಷ್ಮ, ವಸಂತ, ಚೈತ್ರ ಇತ್ಯಾದಿ) ಹಾಗೂ ಜನ್ಮನಕ್ಷತ್ರಗಳ ಹೆಸರುಗಳನ್ನು ಮತ್ತು ತಮ್ಮ ಗೋತ್ರದ(ವಿಶ್ವಾಮಿತ್ರ, ಭಾರದ್ವಾಜ, ವಸಿಷ್ಠ ಇತ್ಯಾದಿ) ಹೆಸರನ್ನೂ ಇಡುತ್ತಿದ್ದಾರೆ. ಹಿಂದೆ ನಮ್ಮ ಪೂರ್ವಜರು ಹೆಸರಿಡುವಲ್ಲೂ, ತಮ್ಮ ಸೃಜನಶೀಲತೆಯನ್ನು, ಬುದ್ಧಿವಂತಿಕೆಯನ್ನು ಮೆರೆದಿದ್ದರು . ದ್ರೋಣ, ಪಾರ್ಥ(ಅರ್ಜುನ), ಕರ್ಣ, ಘಟೋತ್ಕಚ, ಸರ್ವಧಮನ(ಭರತ), ಬಬ್ರುವಾಹನ, ಪರೀಕ್ಷಿತ, ಕುಂತಿ, ಗಾಂಧಾರಿ ಮುಂತಾದವು ಒಂದೊಂದೂ ವಿಶಿಷ್ಟವಾದ ಅರ್ಥಪೂರ್ಣವಾದ ಹೆಸರುಗಳು ಅಲ್ಲವೇ ? ದ್ರೋಣ ಎಂದರೆ ಮಣ್ಣಿನ ಮಡಕೆ. ಮಡಕೆಯಲ್ಲಿ ಜನಿಸಿದ್ದಕ್ಕೆ ದ್ರೋಣ ಎಂದು ಹೆಸರಾಯಿತು. ಹಾಗೇ ಘಟೊತ್ಕಚನು ಹುಟ್ಟಿದಾಗ ಅವನ ತಲೆ ದೊಡ್ಡ ಘಟದ ಹಾಗಿತ್ತಂತೆ. ಅದಕ್ಕೆ ಅವನಿಗೆ ಘಟೊತ್ಕಚ ಎಂದು ಹೆಸರಿಟ್ಟರು. ಇನ್ನು ಪೃಥೆ...